SPÖU OND SPASS FÖR DIE GANZI FAMILIE!

Z'Bad Krozingen ond Omgäbig get's vöu Bäder, Freiziitparks, Tierparks ond zaurichi Möglechkeite för d'Freiziitbeschäftigong.

Vita Classica Therme

Bade- ond Saunavergnüege send z'Bad Krozingen i de Vita Classica Therme deheime. Das Badeerläbnis esch grad emou 5 Minute vo öisem Hotel ewäg. Uf de Suechi noch Ruehi ond Erholig esch das attraktive Mineral-Thermalbad s'ideale Ziel, do begägne sech moderns Design ond antiks Ambiente inere grosszögige Bäderlandschaft.

Herrlechi Wohlfüehl-Bereich bietet s'Sauna-paradies vo de Vita Classica - vonere klassische 90 Grad heisse Innesauna, ere Bio-Sauna mit 60 Grad ond Klang- ond Farbeffekt bis he zomene Dampftämpu mit nor 45 Grad. Rustikaler esch denn d'Falun-Hötte, e Blockhuus-Sauna samt Schwömm-bad met Gägeschtrom-Alag im Osseberich.

S'Wohlfüehlhuus het es ganzes Festivau vo bsondere Wellness-Erläbnis parat. Atlantis-Sprudelbad met Aroma ond Farbspöu, Ganzkörper Cremebädern, Bade met Onderwassermusig, medizinischi Fitness-therapie, Kosmetik ond en Koschtbarkeit wo in Dütschland einzigartig esch: s'japanische Bad. Meh Infos fende Si uf www.vita-classica.de

Vogelpark Steinen

Er esch eine vo de schönschte Vogupark vo Dütschland. Inere Tausänki, vom Verchehr abgschirmet, bietet de öppe 10 Hektar grossi Park rond 1000 Vögu i 300 Arte us auer Wäut es prächtigs Deheime. Ou Berberaffe, Kapuziner- ond Weissbüschel-Äffli sowie Kängurus trifft me do. Im 500 qm grosse Trope-Hus cha me be jedem Wätter öber 200 frei flügendi Vogu-Koschtbarkeite us em Tropegürtu beobachte. Witeri Informatione fende Si uf www.vogelpark-steinen.de

Laguna Badeland

S'Laguna bietet Badefrönde aues was Spass macht. So zom Bispöu e 65-Meter-Rieserotschi, gradus is grosse Hauewäue-bad. Det cha sich de Bsuecher i de höche Wäuebrandig füehle we i de Karibik. Es bietet ou es beheizts Ossebecki (32 Grad) met Massagebochte. Pirate ond Seeräuber fende e Obetürwäut met Rotschbärge, Gägestromalag, Klätterseili ond Wasser-grotte. Meh Infos finde Si uf www.laguna-badeland.de

Witeri Spass- ond Wellness-Ziel:

Europapark Rust, Bergwildpark Steinwasen, Cassiopeia Therme Badenweiler,...

Gärn häufe mer be de Uswahl vo de Usflogsziel ond biete Ihne witeri Informationen.