SCHPIIL UND SCHPASS FÜR DI GANZ FAMILIE!

Z’Bad Krozingen und Umgäbig git’s vil Beder, Freiziitparks, Tierparks und zahlriichi Möglichkeite vo Freiziitbeschäftigunge.

Vita Classica Therme

Bade- und Saunavergnüege sind in Bad Krozingen i de Vita Classica Therme dihei. Das Badeerläbnis isch grad emal 5 Minute vo öisem Hotel entfernt. Uf de Suechi nach Rueh und Erholig isch das attraktivi Mineral-Thermalbad s’ideali Ziil. Da begägned sich moderns Design und antiks Ambiente inere grosszügige Bederlandschaft.

En herrliche Wohlfühl-Beriich büütet s’Saunaparadiis vo de Vita Classica – vonere klassische 90 Grad heisse Innesauna, enere Bio-Sauna mit 60 Grad und Klang- und Farbeffäkt bis hii zum Dampftämpel mit nur 45 Grad. Ruschtikaler isch d’Falun-Hütte, e Blockhuus-Sauna samt Schwümmbad mit Gägeschtrom-Aalag im Usseberich.

S’Wohlfühlhuus hät es ganzes Feschtival vo bsundere Wellness-Erläbnis parat. Atlantis-Schprudelbad mit Aroma und Farbschpiil, Ganzkörper Cremebeder, Bade mit Underwassermusik, Medizinischi Fitnesstherapie, Kosmetik und en einzigartigi Choschtbarkeit wo in Tüütschland bisher einzigartig isch: S’Japanischi Bad. Meh Infos finded Si uf www.vita-classica.de

Vogelpark Steinen

Er isch eine vo de schönschte Vogelparks vo Tüütschland. In ere Talsänki, vom Verchehr abgschirmt, büütet de ca. 10 Hektare grossi Park rund 1000 Vögel i 300 Arte us aller Wält es prächtigs Dihei. Au Berberaffe, Kapuziner- und Wiissbüschel-Aeffli, sowie Kängurus, sind da aazträffe. Im 500 qm grosse Troope-Huus cha mer bi jeder Witterig über 200 frei flüügendi Vogel-Choschtbarkeite us em Troopegürtel beobachte. Wiiteri Informatione finded Si uf www.vogelpark-steinen.de

Laguna Badeland

S’Laguna büütet Badefründe ales was Schpass macht. So zum Biischpiil e 65-Meter-Riserutschi, graduus is grossi Halewälebad. Det cha sich de Bsuecher i de höche Wälebrandig wie i de Karibik fühle. Es büütet au es beheizts Ussebecki (32 Grad) mit Massagebuchte. Pirate und Seeräuber finded en Abentüürwält mit Rutschberge, Gägeschtromalage, Chlätterseili und Wassergrotte. Meh Infos finded Si uf www.laguna-badeland.de

Wiiteri Schpass- und Wellness-Ziil:

Europapark Rust, Bergwildpark Steinwasen, Cassiopeia Therme Badenweiler….

Gern hälfed mir bi der Uswahl vo Usflugsziil und büüted Ihne wiiteri Informatione.